İsrail Müdafiə Qüvvələri  yanvarın 13-nə keçən gecə Livanda “Hizbullah”ın  bir sıra obyektlərinə hava zərbələri endirib.

KONKRET.az xəbər verir ki, bu barədə İsrail Müdafiə Nazirliyi məlumat yayıb: “Məhv edilən obyektlər arasında raket buraxılış meydançası, hərbi obyekt, eləcə də “Hizbullah” tərəfindən silah qaçaqmalçılığı üçün istifadə edilən Suriya-Livan sərhədi boyunca yerləşən marşrutlar var”. Daha sonra qeyd edilir ki, dağıdılan obyektlər İsrailin arxa cəbhəsi  üçün təhlükə yaradırdı: “Atəşkəs razılaşmasına uyğun olaraq, İsrail ordusu İsrail dövlətinə qarşı hər hansı təhlükənin qarşısını almaq üçün fəaliyyətini davam etdirir və “Hizbullah” terror təşkilatının öz qüvvələrini bərpa etmək cəhdinin qarşısı alınacaq”. Livan tərəfdən bu zərbələrin nəticələri ilə bağlı heç bir məlumat verilməyib.

Vəli Həsənoğlu,

KONKRET.az