“Ukraynada müharibənin qarşısını almaq mümkün idi”.

KONKRET.az xəbəır verir ki, bunu Gürcüstanın baş naziri İrakli Kobaxidze deyib.

O bildirib ki, bir sıra qurumlar Rusiyanın Ukraynaya hərbi təcavüzünü asanlaşdırmaq üçün mümkün olan hər şeyi edib.

“Təəssüf ki, baş verənlər dost ölkəmiz Ukrayna üçün dağıdıcı nəticələrə səbəb oldu. Təbii ki, istənilən müharibənin qarşısını almaq mümkündür. Gürcüstandakı 2008-ci il müharibəsindən, eləcə də Ukraynadakı savaşdan qaçmaq olardı. Lakin bəzi qüvvələr, qondarma prezident Salome Zurabişvili, eləcə də qlobal müharibədən maraqlı olan dərin dövlətlər müharibənin başlaması üçün hər şeyi etdilər. Gürcüstanda Ukrayna ssenarisinin inkişafının qarşısı isə “Gürcü arzusu” tərəfindən alınıb. Hər şey bizi addım-addım müharibəyə aparırdı. Biz radikal müxalifətin tələbini təmin etmədiyimiz üçün Gürcüstanda Ukrayna ssenarisi təkrarlanmadı”, – deyə Kobaxidze vurğulayıb.

Müşviq Tofiqoğlu

KONKRET.az