Bakının Sabunçu rayonu, Bəşir Bünyadov küçəsinin Koroğlu metrostansiyasından (Piramida tərəf) Heydər Əliyev prospektinədək olan hissəsində və Bakıxanov qəsəbəsi istiqamətində təmir işləri aparılacaq.

Bu barədə KONKRET.az-a Azərbaycan Avtomobil Yolları Dövlət Agentliyindən (AAYDA) bildirilib.

Təmir işləri ilə əlaqədar nəqliyyat vasitələrinin hərəkətinə aşağıdakı tarixlərdə tam məhdudiyyət tətbiq olunacaq:

21 oktyabr saat 23:00-dan 22 oktyabr saat 08:00-dək;

22 oktyabr saat 23:00-dan 23 oktyabr saat 08:00-dək;

23 oktyabr saat 23:00-dan 24 oktyabr saat 08:00-dək.

Sürücülərdən əvvəlcədən alternativ yollardan istifadə etmələri, hərəkət zamanı diqqətli olmaları və aparılan işlərə anlayışla yanaşmaları xahiş olunur.