Məişət alışqanlarının təhlükəsizliyinə dair AZS ASTM F2201-2025 standartı müəyyən edilib.

KONKRET.az yenisabah-a istinadən xəbər verir ki, standart qril və kamin alışqanları, alovlandırma çubuqları, qaz kibritləri və digər alov əmələ gətirən məişət alışqanlarını əhatə edir.

Sənədə əsasən, standartın əsas məqsədi məhsulların normal istifadəsi və əvvəlcədən proqnozlaşdırıla bilən yanlış istifadə halları zamanı yarana biləcək təhlükələri minimuma endirməkdir. Bununla belə, standartın bütün təhlükələri tamamilə aradan qaldırmadığı qeyd olunur.

Standartın tətbiq dairəsinə kibritlər, eləcə də siqar, qəlyan və siqaret yandırmaq üçün nəzərdə tutulan alışqanlar daxil deyil.

Sınaq üsullarının tətbiqinə başlamazdan əvvəl təhlükəsizlik və normativ tələblərin müəyyənləşdirilməsi isə standartı tətbiq edən tərəfin məsuliyyətinə aid edilir.