Paytaxtın Ziya Bünyadov prospektində yol-nəqliyyat hadisəsi baş verib.

KONKRET.az xəbər verir ki, bu barədə Daxili İşlər Nazirliyi (DİN) Nəqliyyatı İntellektual İdarəetmə Mərkəzindən (NİİM) məlumat yayıb.

Belə ki, yolda nasaz vəziyyətdə dayanmış avtomobil zəncirvari qəzaya səbəb olub.

“Vaxtında düzgün ara məsafəsi saxlayın ki, qəzadan yayına biləsiniz. Nəqliyyat vasitəsində texniki nasazlıq yarandısa, vaxt itirmədən ən azı 30 metr məsafədə qəza dayanma nişanı quraşdırın. Əks halda özünüzlə yanaşı, digərləri qəza iştirakçısı olacaq”, – deyə bildirilib.