Qazaxıstanda narkotik vasitələrlə bağlı saxlanılan azərbaycanlı reper Navai Bəkirov dünən müvəqqəti saxlama təcridxanasına köçürülüb, daha sonra sərbəst buraxılıb.

KONKRET.az lent.az-a istinadən bildirir ki, Navai yaxın vaxtlarda Rusiyaya uçacaq.

Qeyd edək ki, musiqiçi Qazaxıstan sərhədində üzərində marixuana aşkarlanması səbəbindən saxlanılaraq Taraz şəhərindəki təcridxanaya yerləşdirilib.

O, narkotik vasitələrin qaçaqmalçılığı maddəsi ilə ittiham olunur.

Hadisə ilə əlaqədar reperin yaxın günlərə planlaşdırılan konsertləri ləğv edilib.