Hindistanın Pəncab əyalətində daşqınlar 43 nəfərin həyatına son qoyub.

KONKRET.az Axar.az-a istinadən xəbər verir ki, bu barədə ANİ agentliyi məlumat yayıb.

Təbii fəlakət təxminən 1655 kəndə təsir edib. Ən çox ziyan çəkən Gurdaspur rayonu olub.

Ümumilikdə 19 mindən çox insan təxliyə edilib. Hazırda 167 müvəqqəti yaşayış düşərgəsi fəaliyyət göstərir, onlardan 29-u Pəncabın cənub-mərkəzi hissəsində, Barnala şəhərində yerləşir.

Bütün Pəncab əyaləti boyu xilasetmə əməliyyatlarına başlanılıb.