İspaniyanın turizm şəhərlərindən biri olan Barselona yaxınlığında dəhşətli qatar qəzası baş verib. 

KONKRET.az xarici KİV-ə istinadən xəbər verir ki, hadisə nəticəsində qadağan olunmuş yerdə relsləri keçmək istəyən bir qrup gənc həyatını itirib.

Məlumata görə, qəza ötən gecə yerli vaxtla saat 20:18-də Valles bölgəsində baş verib.

Belə ki, qadağan olunmuş yerdə 7 nəfəri qatar vurub, onlardan 4-ü həyatını itirib.

Rəsmilər qəzada ölənlərin bölgəyə konsertə getmək üçün qatar relslərini keçməyə çalışan bir qrup gənc olduğunu açıqlayıb.

Qeyd olunub ki, hadisədən sonra sərnişinlər avtobuslarla daşınıb və şəhərətrafı qatar xətti müvəqqəti bağlanıb.

İqbal Rzayev,

KONKRET.az