“Avropa Trampın Putinlə Ukraynaya dair paktı birbaşa müzakirə edəcəyindən qorxur”.

KONKRET.az xəbər verir ki, bu barədə İspaniyanın “El País” nəşri diplomatik mənbələrə istinadən məlumat dərc edib.

Nəşr yazır ki, Avropa İttifaqı ABŞ prezidenti Donald Trampın Rusiya lideri Vladimir Putinlə Ukrayna məsələsini Aİ və Kiyevi danışıqlardan kənarlaşdırmaqla razılaşa bilər.

Bundan əlavə, Brüsseldə Aİ-nin gələcək sazişə əməl olunmasının yeganə təminatçısına çevriləcəyindən narahatdır.

Nəşrin mənbələri etiraf edirlər ki, risk ABŞ-ın Kiyev üçün sərfəli olmayan pakt hazırlaması, Avropanın Ukraynanın yenidən qurulmasını maliyyələşdirməsi və sazişin təminatçısı olması ilə bağlıdır. Bbelə bir sxem Avropanın təhlükəsizliyi üçün fəlakət ola və nəhəng geosiyasi məğlubiyyətə yol aça bilər.

Ona görə də, Aİ ölkələrinin rəhbər dairələrində gələcək danışıqlar, eləcə də təhlükəsizlik təminatlarının yaradılması üçün düsturlar barədə danışmaq getdikcə genişlənir.

Müşviq Tofiqoğlu

KONKRET.az