İranın Xuzistan əyalətində 5 bal gücündə zəlzələ qeydə alınıb.

KONKRET.az xəbər verir ki, bu barədə İran Milli Seysmologiya Mərkəzi məlumat yayıb.

Bildirilib ki, yeraltı təkanlar yerli vaxtla saat 05:55-də Xuzistanın Salənd rayonunda baş verib. Zəlzələnin ocağının 8 kilometr dərinlikdə yerləşdiyi bildirilib.

Yeraltı təkanlar əyalətin inzibati mərkəzi Əhvazla yanaşı, Əndimeşk və Dezful şəhərlərində də hiss olunub.

Hazırda dağıntı və insan itkisi barədə rəsmi məlumat verilməyib.