Azərbaycan vasitəsilə Ermənistana buğda idxal etmək həqiqətən inqilabdır.

KONKRET.az teleqraf-a istinadla xəbər verir ki, bunu Ermənistan parlamentinin sədri müavini Ruben Rubinyan Azərbaycan Prezidenti İlham Əliyevin Bakının Ermənistana yüklərin tranzitinə qoyulan məhdudiyyətləri aradan qaldırması ilə bağlı bəyanatına cavabında deyib.

“Tənqidlər var idi ki, bu, birtərəfli güzəştdir, Azərbaycan Ermənistan ərazisindən tranzit imkanı əldə edəcək, Ermənistan isə heç nə əldə etməyəcək”, – o, yerli müxalifətin Qazaxıstandan Ermənistana Azərbaycan ərazisindən buğda idxalı ilə bağlı tənqidinə toxunaraq bildirib.

Rubinyan vurğulayıb ki, Ermənistan nəhayət mənbələrin şaxələndirilməsini həyata keçirir: “Hesab edirəm ki, baş verənlər həqiqətən də inqilabdır”.