Rusiyanın endirdiyi zərbə nəticəsində Ukraynanın Jitomir şəhərində yerləşən alman “Kromberg & Schubert” şirkətinin fabriki dağıdılıb.

KONKRET.az xəbər verir ki, məlumata görə, müəssisə Volkswagen, Audi, BMW, Mercedes-Benz, Skoda, Porsche kimi dünya brendləri üçün elektrik bort kabel sistemləri və naqil dəstələri istehsal edirdi.

Zərbə nəticəsində istehsal tamamilə dayandırılıb.

Zərərin həcmi və hadisənin təfərrüatları hələ dəqiqləşdirilir.

Qeyd edək ki, “Kromberg & Schubert” avtomobil sənayesi üçün kabel sistemlərinin aparıcı təchizatçılarından biri sayılır.

Fabrikin sıradan çıxması Avropa avtomobil istehsalçıları üçün də problemlər yarada bilər.\\musavat.com