Əfqanıstanın Pərvan vilayətində prezident Əşrəf Qəninin mitinq təşkil etdiyi əraziyə hücum olub.

Konkret.az Türkiyənin NTV televiziyasına istinadən xəbər verir ki, partlayıcı qurğunun işə salınması nəticəsində azı 30 nəfər həlak olub. Onlarla yaralı var.

Məlumata görə, kamikadze motosikleti kütlənin üzərinə sürərək, partlayıcı qurğunu işə salıb.

Hücum zamanı dövlət başçısının ərazidə olub-olmadığı hələlik məlum deyil. Hadisədən dərhal sonra bölgə mühasirəyə alınıb.

Qeyd edək ki, sentyabr ayının 28-də Əfqanıstanda prezident seçkiləri keçiriləcək.

Redaktor.az