Ukraynanın Vinnitsa şəhərində gecə saatlarında baş verən hücumdan sonra elektrik enerjisinin verilişində genişmiqyaslı fasilə yaranıb.

KONKRET.az xəbər verir ki, hadisələrlə bağlı məlumatı “Politika Stranı” Telegram kanalı yayıb.

Şəhərin meri Sergey Morqunov bildirib ki, kritik infrastruktur obyektləri ehtiyat enerji mənbələri ilə işləyir.

Merin sözlərinə görə, elektrik enerjisinin kəsilməsi ilə əlaqədar şəhərdə elektrik nəqliyyatının hərəkəti dayandırılıb. Onun əvəzinə marşrutlara əlavə avtobus və mikroavtobusların buraxılması nəzərdə tutulur.

Bundan başqa, sakinlərin internetə çıxışında da problemlər yarana biləcəyi bildirilir.

Ukraynanın qərbində yerləşən Lutsk şəhərində də elektrik enerjisinin verilişində fasilələr qeydə alınıb. Məlumata görə, pilotsuz uçuş aparatının zərbəsindən sonra şəhərdə elektrik təchizatında problem yaranıb. Bəzi ərazilərdə suyun da kəsildiyi qeyd olunur.

Günay Əli

KONKRET.az