Xaçmazda qayın kürəkəni tərəfindən döyülərək ölümcül hala salınıb - SON DƏQİQƏ
1.3 K
Konkret.az-ın Şimal bürosunun verdiyi xəbərə görə, hadisə Xaçmaz rayonunun Qaraçı kəndində baş verib. Şəxsi münaqişə zəminində yeznə ilə qayın arasında düşən dava sonda qanlı sonluqla nəticələnib. Nəticədə 1956-cı il təvəllüdlü Mehrəliyev Sadıq Gülmurad oğlu ağır vəziyyətdə xəstəxanaya çatdırılıb. Kənd sakinlərinin sözlərinə görə, yeznə-qayın arasındakı ədavət uzun illərdir davam edirmiş. Bir il bundan qabaq iki qohum arasında bir dəfə də belə insident yaşanıb və o zaman zərərçəkən şəxs qayın olub. Hazırda zərərçəkən Sadıq Mehrəliyev Xaçmaz Rayon Mərkəzi Xəstəxanasında müalicə olunur. Vəziyyəti kafi olaraq dəyərləndirilir. Fakt polis şöbəsi tərəfindən araşdırılır.
