Ukrayna prezidenti Vladimir Zelenski bildirib ki, Rusiya prezidenti Vladimir Putin Çinə səfəri zamanı Ukraynaya qarşı müharibəni legitimləşdirməyə davam edib, rus qoşunları isə cəbhənin müəyyən bölgələrində qüvvələr toplayır.

KONKRET.az Haqqın.az-a istinadən xəbər verir ki, “Mən bu gün hərbçilərimizdən, o cümlədən Hərbi Hava Qüvvələri komandirindən pilotsuz təyyarələrdən müdafiə ilə bağlı bir neçə hesabat eşitdim”, – deyə Zelenski bildirib.

Onun sözlərinə görə, Ukrayna səmasında Rusiya aviasiyasının aktivliyi artmaqda davam edir: gecə 150-yə yaxın, səhər 50-dən çox, axşam isə onlarla təyyarə vurulub.

Prezident vurğulayıb ki, Rusiyanın hərəkətləri əslində Çinin bəyanatları ilə müşayiət olunur və müharibəni dayandırmaq üçün qlobal səylərə məhəl qoyulmur.

“Bu günlərdə Çində Putin yenə də müharibədə günahlandırılmaması ilə bağlı nağıllar danışıb. Sanki kimsə onu döyüşməyə, öldürməyə, uşaqları gizlətməyə və minlərlə adamı mövqelərimizə hücuma göndərməyə məcbur edir. Eyni zamanda, biz cəbhənin bəzi ərazilərində Rusiya qüvvələrinin yığıldığını görürük”, – Zelenski sonda qeyd edib.

Dəniz Pənahova 

KONKRET.az