Almaniyada keçmiş kəşfiyyat rəhbəri Avqust Hanninqlə bağlı aparılan istintaqın Azərbaycanla heç bir əlaqəsinin olmadığı bildirilib.

KONKRET.az xəbər verir ki, məlumatlı mənbələr AnewZ-ə bildiriblər ki, Almaniyanın kəşfiyyat orqanları Azərbaycan tərəfinə araşdırılan işin digər ölkələrlə bağlı olduğunu çatdırıblar.

Mənbələrin sözlərinə görə, Hanninqin əldə etdiyi iddia olunan məxfi materiallardan əsas sənədləri üçüncü tərəflərə ötürmədən analitik hesabatlar hazırlamaq məqsədilə özü istifadə edib.

Almaniya prokurorları isə xarici kəşfiyyat xidmətlərinin və ya əlaqəli ölkələrin adlarını açıqlamayıblar.

Azərbaycanın Media və Yayım Şurası isə ölkəni bu işlə əlaqələndirən məlumatları dezinformasiya adlandırıb.