“Əgər hər hansı Facebook istifadəçisi öz paylaşımında “Nikol Paşinyan azərbaycanlıdır” qeyd etsə, o, dərhal həbs olunacaq, bütün hüquq-mühafizə orqanları onun haqqında cinayət işi qaldıracaq və onu ağır cinayətkar kimi təqdim edəcək. Paşinyan ona “türk” deyənlərdən çox inciyir”.

KONKRET.az xəbər verir ki, bu sözləri erməni analitik Harutyun Avetisyan yazıb.

O, daha sonra fikirlərini belə davam etdirib:

“Azərbaycan prezidenti İlham Əliyev artıq on dəfədir ki, Ermənistanı “Qərbi Azərbaycan” adlandırır və bəyan edir ki, 300 min azərbaycanlı Ermənistana, Azərbaycana məxsus paytaxt İrəvana qayıtmalıdır. Bütün bu bəyanatlara dövlət olaraq Ermənistanın hakimiyyətindən heç bir reaksiya yoxdur. Belə çıxır ki, İlham Əliyev dediyini edəcək.

Bu, bir daha sübut edir ki, Ermənistan həmin konsepsiyanın substantiv, funksional mənasında dövlət qurumu kimi mövcud olmaqdan çıxıb, bir şəxsin və ona xidmət edən qrupun maraqlarına xidmət edən sistemə çevrilib.

Başqa sözlə, Ermənistanın dövlət idarəetmə sistemi üçün bir nömrəli prioritet dövlətin deyil, hakimiyyətin maraqlarının qorunmasıdır. Bu da öz növbəsində o deməkdir ki, hakimiyyətin mənafeyini qorumaq, yəni hakimiyyətin uzunömürlülüyünü təmin etmək üçün dövlət maraqları qurban verilir. Daha sadə desək, əslində, Nikol Paşinyan Əliyevin Ermənistandan nə tələb etməsi onun üçün daha önəmlidir, onun üçün vacibdir ki, bu tələblər onun hakimiyyətinin mövqelərini sarsıtmasın, üstəlik, onları gücləndirmək üçün Azərbaycanın tələbləri yerinə yetirilməlidir.

Bu vəziyyət, digər amillərlə yanaşı, həm də ona görə mümkün olub ki, Ermənistan cəmiyyətinin mühüm hissəsi öz dövlətinə Nikol Paşinyan kimi yanaşır: onlar ona qarşı yönəlmiş hər hansı təcavüzə və ya təhlükəyə biganədirlər”.

Natiq Səlim,

KONKRET.az