Küləkli havada xəsarətlər alan 3 nəfər Elmi-Tədqiqat Travmatologiya və Ortopediya İnstitutuna müraciət edib.
KONKRET.az xəbər verir ki, bu barədə Səhiyyə Nazirliyinin mətbuat xidmətindən APA-nın sorğusuna cavab olaraq bildirilib.
Qeyd edilib ki, Bakıda müşahidə olunan küləkli hava ilə əlaqədar saat 13:00-a qədər Səhiyyə Nazirliyinin Elmi-Tədqiqat Travmatologiya və Ortopediya İnstitutuna müxtəlif dərəcəli xəsarətlərlə 3 nəfər (qadın) müraciət edib. Onlara tibbi yardım göstərildikdən sonra evə buraxılıblar.