Kanalın üzərində illərlə mövcud olan dəmir körpünü götürüb yerini dəyişiblər.

KONKRET.az Xəzər TV-yə istinadən bildirir ki, söhbət Xəzər rayonu Binə atçılıq massivindən gedir.

Gün ərzində təxminən minə yaxın binə sakini bu körpüdən keçir.

Sakinlərin iddiasına görə, dəmir körpünün 4 ton ayaxın ağırlığı var. Dəmir körpünü isə kanalın üzərində cəmi cümlətani 4 ədəd mişar daşı saxlayır.

Sakinlər deyir ki, avtobus dayanacağı, marketlər, dükanlar kanalın bu biri tərəfində yerləşdiyindən, mənzil sakinləri mütəmadi olaraq körpüdən istifadə edirlər.

Məsələ ilə bağlı Xəzər rayon İcra Hakimiyyətinə məlumat verdik. Bildirildi ki, sözügedən ərazi ilə bağlı məsələ sabah araşdırılacaq.