İsrailin “Maariv” qəzeti xəbər verir ki, son günlər ölkənin bir neçə nazirliyi İranla qarşıdurma ehtimalını və bunun mümkün nəticələrini qiymətləndirmək üçün gizli iclaslar keçirib.

KONKRET.az xəbər verir ki, toplantılarda əsas ehtimal kimi İsrailin İranı xəbərdarlıq etmədən birdən-birə hərbi əməliyyatlara başlaması ssenarisi müzakirə olunub. Bu halda regionda uzunmüddətli və qeyri-müəyyən xarakterli müharibənin başlanacağı proqnozlaşdırılır.

Məlumatda vurğulanır ki, belə bir toqquşma zamanı İran İsrailə qarşı minlərlə ağır raket atacaq və bu raketlərin ümumi çəkisi təxminən 700 kiloqram olacaq.

Hadisələrin gedişi və hər iki tərəfin reaksiyası hələlik qeyri-müəyyən qalır.

Müşviq Tofiqoğlu,

KONKRET.az