İsrail Müdafiə Qüvvələrinin sözçüsü briqada generalı Efi Defrin İranın liderlik kompleksinə zərbə endirildiyini açıqlayıb.

KONKRET.az globalinfo-ya istinadən xəbər verir ki, bu barədə “Kanal 12” məlumat yayıb.

Bildirilib ki, kəşfiyyatın yönləndirməsi ilə keçirilən əməliyyat çərçivəsində Tehranın mərkəzində rejimin liderlik kompleksindəki binalara hücum edilib.

Vurulan obyektlər bunlardır:

– İran Prezident Administrasiyasının binası;

– Ali Milli Təhlükəsizlik Şurasının binası;

– Rejimin təhlükəsizlik qərarları qəbul etmək səlahiyyətinə malik qurumunun toplantı kompleksi;

– İran zabitlərinin hazırlandığı müəssisə və digər mühüm infrastruktur obyektləri.

Qeyd edək ki, İran Prezident Administrasiyasının binasına zərbə zamanı Prezident Məsud Pezeşkianın ofisdə olub-olmaması barədə məlumat verilməyib.

Xatırladaq ki, bir qədər əvvəl “Kanal 12” ABŞ-ın Pezeşkianı hədəf seçmədiyini açıqlamışdı.