Ukraynada müharibə davam edir.

KONKRET.az xəbər verir ki, bu barədə Baku TV-nin əməkdaşı Mübariz Aslanov məlumat verib.

O bildirib ki, ötən gün Xerson şəhərinə ard-arda 10-dan çox raket hücumu olub.

“Hücum nəticəsində azərbaycanlı ailənin iki övladı da həlak olub. Onların kimliyi hələ ki məlum deyil”, – deyə jurnalist əlavə edib.

Məlumata görə, ötən gün Rusiya Prezidenti Vladimir Putin ABŞ ilə imzalanmış Strateji Hücum Silahları haqqında Müqavilədə ölkəsinin iştirakını dayandırdığını elan etdikdən sonra Ukrayna nüvə hücumuna qarşı hazırlığa başlayıb.