Ukrayna hökuməti İlon Maskın ABŞ-da yaratdığı DOGE (Hökumət Effektivliyi Departamenti) modelinə bənzər departament qurmağı planlaşdırır.

KONKRET.az xəbər verir ki, Ukraynanın Birinci vitse-prezidenti və Rəqəmsal Transformasiya naziri Mixail Fedorov sosial şəbəkə Threads-də bildirib:

“Bir neçə layihə üçün DOGE analoqunu işə salmağı planlaşdırıram. Xərcləri təcili şəkildə azaltmaq və effektivliyi qiymətləndirmək lazımdır. Bu istiqamətə rəhbərlik edəcək şəxs axtaracağam.”

Qeyd edək ki, DOGE – Hökumət Effektivliyi Departamenti İlon Mask tərəfindən ABŞ prezidenti Donald Trampın Ağ Evə qayıdışından sonra yaradılıb. Departamentin əsas məqsədi dövlət xərclərini azaltmaq və idarəetmənin effektivliyini artırmaqdır.

Natiq Səlim,
KONKRET.az