Bu gün paytaxtın Binəqədi rayonu 9-cu mikrorayon ərazisində avtomobil yolda qazılmış çuxura düşüb.

KONKRET.az qafqazinfo.az-a istinadən xəbər verir ki, hadisə Cavadxan və Mir Cəlal küçələrinin kəsişməsində, Akademik Zərifə Əliyeva adına Milli Oftalmologiya Mərkəzinin qarşısında qeydə alınıb.

Belə ki, avtomobil yolun hərəkət hissəsindəki çuxurda qalıb. Nəticədə ərazidə nəqliyyatın hərəkəti çətinləşib.

Hazırda həmin ərazidə olan polis əməkdaşları avtomobillərin hərəkətinə kömək edirlər.

Yolda qazıntının hansı qurum tərəfindən aparılması hələlik məlum deyil.