Moldovalı iş adamları Anatol Stati, Qabriel Stati, “Ascom Group S.A.” və “Terra Raf Trans Traiding Ltd.” Qazaxıstan Ədliyyə Nazirliyinin mətbuat xidmətindən verilən məlumata görə, ABŞ-da Nyu Yorkun cənub bölgəsi üzrə yerli Məhkəməsində Qazaxıstana qarşı qaldırılan iddiadan könüllü imtina edilməsinə dair bildiriş göndəriblər.

KONKRET.az-ın Orta Asiya ölkələri üzrə bürosu bildirir ki, Stati bu iddianı 2017-ci ilin iyun ayında qaldırmışdı. Bu iddia ilə Stati New York məhkəməsindən İsveç Apellyasiya Məhkəməsinin 2016-cı il dekabr qərarını icra etməsini istəmişdi. Stati məhkəməsində iki iddia var idi. Birincisi, təqribən 500 milyon ABŞ dolları məbləğində bir arbitraj qərarının icrası. İkincisi, İsveçdə təxminən 3,5 milyon ABŞ dolları məbləğində məhkəmə xərclərin ödənilməsi.

Buna cavab olaraq, 2017-ci ilin sentyabrında Qazaxıstan Nyu York məhkəməsindən iddianın qanuni ləğvini və ya alternativ olaraq işin dayandırılması tələbi ilə vəsatət qaldırmışdı. 2018-ci ilin sentyabrında Nyu York məhkəməsi Vaşinqtonda, Qazaxıstan Respublikasının müraciətinə qədər məhkəmə prosesini təxirə salmışdı. 2019-cu ilin oktyabrında Nyu York məhkəməsi tərəflərə, Vaşinqtonda apellyasiya şikayətlərinin tamamlandığını nəzərə alaraq, işin baxılmasını davam etdirmək niyyətində olub olmadığını izah edərək, 15 noyabr 2019-cu il tarixinədək işin vəziyyəti ilə bağlı ortaq bir məktub göndərməyi xahiş etmişdi.

Stati vəkillərin əlində ona qarşı tutarlı faktların olduğunu bilərək, məhkəmə iddiasını geri götürməli olub. Vəkillər isə hazırda Belçika, Hollandiya və Lüksemburq da daxil olmaqla bir neçə ölkədə Statinin fırıldaqçılıqla məşğul olduğunu üzə çıxarıblar…