Konqo Demokratik Respublikasının (KDR) Cənubi Kivu əyalətində leysan yağışlarının səbəb olduğu daşqınlar nəticəsində azı 176 nəfər ölüb.

KONKRET.az “The Guardian”a istinadən xəbər verir ki, bu barədə əyalət qubernatoru bildirib.

Qeyri-rəsmi məlumata görə, yerli vətəndaş cəmiyyətinin nümayəndələri 227 cəsədin tapıldığını bildiriblər.

Qeyd edək ki, Ruanda ilə həmsərhəd olan Cənubi Kivuda daşqın və sürüşmələr qeyri-adi hal deyil. Bu həftə Ruandada da güclü leysan yağışları 130 nəfərin ölümünə və 5 mindən çox evin dağılmasına səbəb olub.

İqbal Rzayev,

KONKRET.az