Avropa İttifaqı (Aİ) ölkələri Kiyevə birlikdən kənarda qalan dövlətlərdən hərbi sursatların alınması məqsədilə Çexiya üçün pul toplayacaq.

KONKRET.az xarici mediaya istinadən xəbər verir ki, artıq Fransa prezidenti Emmanuel Makron bu təklifi martın 5-də səfər edəcəyi Praqada müzakirə etməyə hazırlaşır.

Bildirilib ki, satınalma prosesini Çexiya öz üzərinə götürəcək. Almaniya, Niderland,  Danimarka, Litva, Latviya, Polşa və Aİ üzvü olmayan Kanada bu təklifi dəstəkləyir. Niderland artıq bu məqsədlə Çexiyaya 100 milyon avro ayıracağına söz verib.

Aİ müdafiə və xarici işlər nazirlərinin bu həftənin sonunda satınalmanı ayrıca müzakirə edəcəkləri gözlənilir.

Xatirə SADİQ,

KONKRET.az