Dünyaca məşhur britaniyalı müğənni Emi Uaynhausun xüsusi hazırlanmış geyimlərin də daxil olduğu qarderobu hərrac yolu ilə satışa çıxarılacaq.

KONKRET.az xarici mediaya istinadən xəbər verir ki, gəlir Emi Uaynhaus fonduna bağışlanacaq.

Məlumata görə hərrac 6-7 noyabr tarixlərində ABŞ-da “Julien’s Auction House”-da keçiriləcək. 27 yaşında dünyasını dəyişən məşhur ulduzun geyimlərinin ümumilikdə 36 min funt sterlinqə, yəni təxminən 83 min 563 manata satılacağı gözlənilir.

Qeyd edək ki, Emi Uaynhaus 2011-ci ildə 27 yaşında evində ölü tapılıb.