Braziliyanın Cerrado bölgəsində baş verən yanğınlar Amazon meşələrindəki yanğınlardan sayca daha çoxdur.
Konkret.az xarici mətbuata istinadən xəbər verir ki, sentyabrın ilk 10 günü ərzində Cerradoda 8 min, Amazonda isə 7457 yanğın hadisəsi qeydə alınıb.
Bütün ölkə ərazisində 2019-cu il ərzində çıxan yanğınların sayının isə 100 mini ötdüyü bildirilir. Bu rəqəm keçən ilin eyni dövrü ilə müqayisədə 45 faiz daha çoxdur.
Ekspertlər hava şəraitinin isti və quraq keçməsi ilə əlaqdədar olaraq yanğınların sürətli şəkildə artdığını bildirirlər.
San Paulo Universitetinin iqlim üzrə mütəxsəssisi Carlos Nobre isə yanğınların insanlar tərəfindən çıxarıldığını söyləyib.