İstanbuldakı yeni metro xəttinin açılış mərasiminə qatılan prezident Rəcəb Tayyib Ərdoğan sakinləri bələdiyyə seçkilərində AKP-nin namizədi Murat Kuruma səs verməyə çağırıb.

KONKRET.az xəbər verir ki, İstanbulun bir çox yerlərində həyata keçirilən abadlıq işlərinə diqqət çəkən Ərdoğan inkişafın davamı üçün seçiciləri AKP-ni dəstəkləməyə çağırıb:

“İnkişaf bundan sonra da davam edəcək. Bütün şəhərlərimizi dirçəldəcəyik. Lakin murada çatmaq üçün Murada sahib çıxmaq lazımdır, mən İstanbullulardan bunu gözləyirəm”.

Məlumat üçün bildirək ki, 2018-ci ildə Ətraf mühit və Şəhərsalma naziri təyin olunan Murat Kurumun AKP-dən İstanbul Böyükşəhər bələdiyyə sədrliyinə namizədliyi məhz Ərdoğanın tövsiyyəsi ilə irəli sürülüb.

Fatimə Lətif,

KONKRET.az