İranın bütün əyalətlərində Ekspertlər Şurasına və Məclisə (birpalatalı parlament) seçkilər keçirilir.

KONKRET.az İran mediasına istinadən bildirir ki, səhər saat 8-də daxili işlər naziri Əhməd Vahidinin əmri ilə 12-ci çağırış İran parlamentinin və 6-cı çağırış Ekspertlər Şurasının üzvlərinin seçilməsi üçün bütün seçki məntəqələri açılıb.

Seçicilər parlamentin 290 üzvünü və Ekspertlər Şurasının 88 üzvünü müəyyənləşdirməlidir. Parlamentin yeni tərkibi 4 il, İran İslam Respublikasının liderini seçmək vəzifəsi daşıyan məşvərət orqanı olan Ekspertlər Şurasının yeni tərkibi  isə 8 il müddətinə seçilir.

Qeyd edək ki, ölkə üzrə 60 milyondan çox insanın səsvermə hüququna malik olduğu bildirilir.

Xatirə SADİQ,

KONKRET.az