İranda iki Fransa vətəndaşı, Sesil Kohler və Jak Paris Fransa və İsrailin xeyrinə casusluq ittihamı ilə uzunmüddətli həbs cəzasına məhkum edilib.

KONKRET.az xəbər verir ki, Kohler və Paris 2022-ci ildən İranda həbsdə olan yeganə Fransa vətəndaşlarıdır.

Məlumata görə, onlardan biri Fransanın xeyrinə casusluğa görə 6 il, milli təhlükəsizliyə qarşı sui-qəsddə iştirak etdiyinə görə 5 il, İsrail kəşfiyyatına yardıma görə isə 20 il müddətinə azadlıqdan məhrum edilib.

İkinci şəxs isə Fransaya casusluq ittihamı ilə 10 il, milli təhlükəsizliyə qarşı sui-qəsdə görə 5 il və İsrail kəşfiyyatına yardım ittihamı ilə 17 il həbs cəzasına məhkum olunub.

Hər iki məhkumun qərardan apellyasiya şikayəti vermək hüququ olduğu bildirilib.

Müşviq Tofiqoğlu
KONKRET.az