ABŞ və İran arasında gələn həftə İsveçrədə yeni danışıqların keçiriləcəyi barədə yayılan məlumatlar Tehranda təkzib olunub.

KONKRET.az xəbər verir ki, İranın Fars agentliyi iranın danışıq heyətinə yaxın mənbəyə istinadən bildirib ki, ABŞ ilə yaxın vaxtlarda danışıqların keçiriləcəyi barədə yayılan məlumatlar həqiqəti əks etdirmir.

Bundan əvvəl Axios portalı Vaşinqton və Tehran arasında növbəti danışıqlar raundunun artıq gələn həftə İsveçrədə baş tuta biləcəyini yazmışdı. İran tərəfi isə bu məlumatı təsdiqləməyib.