Avropa Liqasının pley-off mərhələsində səfərdə Portuqaliyanın “Braqa” klubu ilə qarşılaşacaq “Qarabağ”ın azarkeşləri üçün 1500 bilet ayrılıb.

KONKRET.az xəbər verir ki, klubun mətbuat xidmətindən  verilən məlumata görə, həmin biletlər matçdan 2 saat öncə satışa çıxarılacaq.

Bileti əldə etmək istəyənlər stadiondakı kassalara yaxınlaşaraq əldə edə biləcəklər.

Qeyd edək ki, “Braqa” – “Qarabağ” oyunu fevralın 15-i Bakı vaxtı ilə saat 00:00-da başlayacaq.