Şəkidə 65 yaşlı kişini avtomobil vurub.

KONKRET.az-ın məlumatına görə, hadisə bu gün, saat 21 radələrində Şəki şəhəri, H.Əliyev prospektində baş verib.

Belə ki, “KİA” markalı avtomobil yolu keçmək istəyən piyada, 1958-ci il təvəllüdlü Ramazan Qafarlını vurub.

Xəsarət alan Ramazan Qafarlı Şəki Şəhər Mərkəzi Xəstəxanasına yerləşdirilib.

Faktla bağlı Şəki Şəhər Polis Şöbəsində araşdırma aparılır.