Ukrayna məhkəməsi rusiyalı hərbi pilotu 12 il müddətinə azadlıqdan məhrum edib.

KONKRET.az TASS-a istinadən xəbər verir ki, bu barədə Ukrayna Baş Prokurorluğu məlumatı yayıb.

Bildirilib ki, sözügedən pilotun idarə etdiyi təyyarə ötən ilin mart ayının əvvəlində Xarkov yaxınlığında vurulduqdan sonra qəzaya düşüb:

“Rusiya Silahlı Qüvvələrinin pilotu müharibənin qanun və adətlərini pozmaqda təqsirli bilinib”.

Baş Prokurorluq pilotun adını açıqlamasa da, Rusiya hüquq-mühafizə orqanları burada söhbətin mayor Aleksandr Krasnoyarçevdən getdiyini bildirib.