Yaponiya sahillərində 5,8 maqnitudada zəlzələ qeydə alınıb.
KONKRET.az-ın xəbərinə görə, bu barədə Avropa-Aralıq dənizi Seysmoloji Mərkəzi məlumat yayıb.
Məlumata görə, yeraltı təkanların episentri 555 min insanın yaşadığı Kaqosima şəhərindən (Küsü adası) 200 km cənub-şərqdə, zəlzələ ocağı 28 km dərinlikdə yerləşib.
Tələfat və dağıntılar barədə məlumat yoxdur. Sunami təhlükəsi elan olunmayıb.