Ötən gün axşam saatlarında 8 Noyabr prospektində yol-nəqliyyat hadisəsi baş verib.

KONKRET.az xəbər verir ki, bu barədə NİİM məlumat yayıb.

Məlumata görə, qəza nəticəsində 1 ədəd svetofor dirəyi və onun idarəetmə qutusu, eləcə də yolda olan elektrik paylayıcı lövhə sıradan çıxıb.

Bildirilir ki, yolda sürücü və piyadaların təhlükəsiz hərəkətini təmin etmək məqsədilə işlər görülür. Daxili İşlər Nazirliyinin Nəqliyyatı İntellektual İdarəetmə Mərkəzi sürücülərdən yol nişanlarının tələblərinə və sürət həddinə əməl etməyi xahiş edir.