ABŞ ilk iki “NASAMS” zenit-raket kompleksini Ukraynaya təhvil verib.

KONKRET.az xəbər verir ki, bu barədə silahın istehsalı ilə məşğul olan “Raytheon Technologies” şirkətinin baş direktoru Qreq Hayes “CNBC” telekanalına deyib:

“Biz bir neçə həftə əvvəl iki “NASAMS” kompleksini ABŞ hökumətinə təhvil verdik. Onlar artıq bu gün Ukraynada yerləşdirilir”.

Qeyd edək ki, oktyabrın 11-də ABŞ bu sistemləri Ukraynaya təhvil verəcəyini açıqlayıb.

Böyük Britaniya bir neçə həftə ərzində Ukraynaya “NASAMS” üçün “AIM-120” orta mənzilli raketləri (AMRAAM) tədarük etmək niyyətindədir. Bu tip hava hücumundan müdafiə sistemi dünyada ən effektiv hesab olunur. Onlar Vaşinqtonun hava məkanını qorumaq üçün istifadə olunur.

İqbal Rzayev,

KONKRET.az