Çində sərt təhlükəsizlik qanunları və daha “siyasiləşmiş” biznes mühiti Avropa şirkətləri üçün problemlər yaradır və onları Çindəki gələcəklərini şübhə altına almağa məcbur edir.

KONKRET.az xəbər verir ki, bunu ticarət üzrə Avropa komissarı Valdis Dombrovskis bildirib.

Diplomat qeyd edib ki, “Çinin Rusiyanı Ukraynadakı müharibəyə görə qınamaqdan imtina etməsi” həm də “reputasiya riski” yaradır.

Onun sözlərinə görə, Avropa bloku ilə Çin arasında ticarət gərginliyinin artdığı bir vaxtda şəffaflıq və açıqlıq “uzunmüddətli perspektivdə qazanan strategiyadır”.

“Çin investisiya əsaslı iqtisadiyyatdan geniş əsaslı iqtisadiyyata çətin keçid mərhələsindədir. “Bunu etmək üçün açıq qalmalıdır”, – Dombrovskis deyib.

Ariz Həsənoğlu,

KONKRET.az