Özbəkistanda təhsil, idman və dini qurumlardan ən azı 200 metr məsafədə yerləşən mağazalarda alkoqol və tütün məhsullarının satışına icazə verilib – əvvəllər bu məsafə 500 metr idi.
KONKRET.az-ın Orta Asiya ölkələri üzrə bürosunun verdiyi məlumata görə, dəyişikliklər haqqında qanun noyabrın 14-də prezident Şövkət Mirziyayev tərəfindən imzalanıb. Sənəd noyabrın 15-də dərc olunduğu gündən qüvvəyə minib.
Bu məhsulların ümumi satış sahəsi 1000 kvadratmetrdən çox olan ticarət mərkəzlərinin (bazarların) və yarmarkaların ərazisində satılması istisnadır.
Alkoqol və tütün satışında məhdudiyyətlərin dəyişdirilməsi prezidentin 5 fevral tarixli fərmanı ilə təmin edilir.