“Amazon”un rəhbəri ABŞ Prezidentini tənqid etdibackend

“Amazon”un rəhbəri ABŞ Prezidentini tənqid etdi

“Amazon” şirkətinin rəhbəri Ceff Bezos yanacaqdoldurma məntəqələrinin sahiblərini ölkədə benzinin qiymətini dərhal aşağı salmağa çağırdığı üçün ABŞ Prezidenti Cozef Baydeni tənqid edib.

KONKRET.az xəbər verir ki, bu barədə Ceff Bezos özünün tviter hesabında yazıb.

“İnflyasiya Ağ Evin bu cür bəyanatlar verməyə davam etməsi üçün çox böyük problemdir. Bu, ya açıq aldatmadır, ya da bazarın əsas dinamikasının dərin anlaşılmazlığıdır”, – deyə Bezos bildirib.

ABŞ-da benzinin pərakəndə satış qiymətlərində artım qışın sonunda başlayıb. Bu, Ağ Evin tendensiyanın qarşısını almaq cəhdlərinə baxmayaraq, dünyada neftin qiymətinin artması fonunda baş verir.

Ölkədəki 60 000-dən çox yanacaqdoldurma məntəqəsində qiymətlərə nəzarət edən Amerika Avtomobil Assosiasiyasının məlumatına görə, iyulun 3-nə müntəzəm benzinin bir qallonunun (3,785 litr) orta qiyməti (Azərbaycanda Aİ-92) təxminən 4,8 dollardır.

Eyni zamanda, 2021-ci il yanvarın sonunda Baydenin ABŞ Prezidenti kimi andiçmə mərasimindən sonrakı ilk həftədə bu rəqəm 2,39 dollar səviyyəsində olub.

Bir cavab yazın

Sizin e-poçt ünvanınız dərc edilməyəcəkdir.

*

*

*