Yeni Zelandiya höküməti milli seçki qanunvericiliyinə 16 yaşına çatmış vətəndaşların səsverməsinə icazə verən düzəlişləri parlamentin müzakirəsinə təqdim etmək niyyətindədir.
KONKRET.az TASS-a istinadən xəbər verir ki, bu barədə Baş nazir Casinda Ardern bildirib.
Onun sözlərinə görə, seçicilərin yaşının məhdudlaşdırılması insan hüquqları qanununun tələblərinə ziddir və ona yenidən baxılmalıdır:
“Bu təkcə hökumətin deyil, bütövlükdə parlamentin də baxmalı olduğu məsələdir”.
O qeyd edib ki, düzəlişlərin təsdiqi üçün deputatların ən azı dörddə üçünün (120-dən 90-ı) razılığı lazımdır.
Baş nazir bildirib ki, parlament qanunvericiliyə dəyişiklikləri qəbul etsə belə, bu 2026-cı ildə qüvvəyə minəcək.
Qeyd edək ki, Yeni Zelandiyanın Ali Məhkəməsi “Make It 16” qeyri-hökumət təşkilatının səsvermə yaşının 18-dən 16-ya endirilməsi ilə bağlı şikayətini təmin edib.
İqbal Rzayev,
KONKRET.az