İranın Nətənz şəhəri yaxınlığında yerləşən Xalidabad poladəritmə zavodunda karbon qazı balonunun partlaması faciə ilə nəticələnib.

KONKRET.az Musavat.com-a istinadən xəbər verir ki, hadisə zamanı 1 nəfər həlak olub, daha 7 nəfər isə müxtəlif dərəcəli xəsarətlər alıb.

Məlumata görə, həm ölən, həm də yaralanan şəxslərin Əfqanıstan vətəndaşları olduğu bildirilir. Yaralılar dərhal yaxınlıqdakı tibb müəssisələrinə çatdırılıb. Hadisənin səbəbləri ilə bağlı araşdırma aparılır.