Malaziyanın 16-cı kralının tacqoyma mərasimi olub.
AZƏRTAC Anadolu agentliyinə istinadla xəbər verir ki, yeni Kral Sultan Abdulla Riayatuddin Əl-Mustafa Şahın tacqoyma mərasimi paytaxt Kuala-Lumpurda keçirilib.
Özünün doğum günündə təşkil olunan mərasimə 60 yaşlı yeni Kral qızılla bəzədilmiş xüsusi geyimlə gəlib. 700-dən artıq qonağın iştirak etdiyi tacqoyma mərasimində Birləşmiş Ərəb Əmirliyi şahzadəsi Şeyx Məhəmməd bin Zayed Əl Nahyan və Bruney Sultanı Hassanal Bolkiah da iştirak edib.
Kral Sultan Abdullanın hakimiyyəti dövrü 5 il olacaq.