Tbilisinin Ağamaşenebeli xiyabanında yerləşən oteldə gənc oğlan əl qumbarasını partladıb.

KONKRET.az xəbər verir ki, bu barədə Gürcüstanın “İmedi” telekanalı məlumat yayıb.

Bildirilib ki, partlayışdan bir qədər əvvəl həmin şəxs otelin ikinci mərtəbəsində otaq kirayələyib.

Gəncin maddi problemləri olduğu bildirilir.

Məlumata görə, partlayış dalğası otelin pəncərələrini sındırsa da, oğlandan başqa heç kim xəsarət almayıb. O, ağır vəziyyətdə xəstəxanaya çatdırılıb.

Faktla bağlı cinayət işi açılıb.

İqbal Rzayev,

KONKRET.az