Rusiyalı komediya ustası Maksim Qalkin Türkiyədəki konsertinin vaxtını fevralın 14-dən aprelin 27-nə keçirib.

KONKRET.az xəbər verir ki, Qalkin bu barədə İnstaqram hesabındakı müraciətində deyib.

“Dəhşətli zəlzələdən bir gün əvvəl İstanbulda növbəti konsertimi elan etmişdim. Türkiyə xalqına dərin hüznlə başsağlığı verirəm. İstanbuldakı konsertdə aldığım bütün qonorarı zəlzələdən zərər çəkənlər üçün açılan fonda verməyi planlaşdırıram. Konsert aprelin 27-nə keçirilib. Bütün biletlər etibarlıdır. Bütün dünya sizinlədir Türkiyə. Möhkəm olun!”, – Qalkin bildirib.