Qazaxıstan Parlamenti Məclisinin (aşağı palatası) deputatları Cinayət Məcəlləsindən respublikanın birinci prezidenti Nursultan Nazarbayevi təhqir etməyə görə məsuliyyət maddəsinin çıxarılmasını nəzərdən keçirir.

KONKRET.az yerli KİV-ə istinadən xəbər verir ki, bu barədə parlamentin deputatı Snejanna İmaşeva bildirib.

Onun sözlərinə görə, düzəliş texniki xarakter daşıyır.

O bildirib ki, dəyişiklik 2022-ci ilin iyununda Elbası (millət lideri) haqqında müddəanın əsas qanundan çıxarılması ilə bağlıdır.

“Elbası statusu artıq mövcud deyil, ona görə də cinayət məsuliyyətinə ehtiyac yoxdur və tətbiq edilməyəcək”, – deyə deputat bildirib.

Qeyd edək ki, Nursultan Nazarbayev 1989-cu ilin iyunundan 2019-cu ilin martına qədər Qazaxıstanın lideri olub. 2010-cu ildən o, Qazaxıstan Respublikasının ilk Prezidenti – Elbası rəsmi titulunu daşıyır.

2023-cü ilin fevralında Qazaxıstan Prezidenti  Kasım-Jomart Tokayev “Qazaxıstan Respublikasının Birinci Prezidenti – Elbası (Millət Lideri) haqqında” qanunun qüvvədən düşmüş hesab edildiyi fərman imzalayıb.

İqbal Rzayev,

KONKRET.az