Qazaxıstan lideri Kasım-Jomart Tokayev Prezident Administrasiyasının strukturunun yenidən təşkili haqqında fərman imzalayıb.

KONKRET.az yerli KİV-ə istinadən xəbər verir ki, bu sənədə uyğun olaraq, Administrasiyanın yenilənmiş strukturuna aşağıdakılar daxildir:

• ▪️Prezident Administrasiyasının rəhbəri;
• ▪️Təhlükəsizlik Şurasının katibi;
• ▪️Prezident Aparatının rəhbəri;
• ▪️ Prezidentin köməkçiləri;
• ▪️Prezidentin müşavirləri;
• ▪️Prezident Administrasiyasının şöbələri.

Sərəncama əsasən, Prezidentin köməkçilərinin vəzifələri müəyyən edilir:

• – daxili siyasət və kommunikasiyalar üzrə;
• – iqtisadi məsələlər üzrə;
• – beynəlxalq məsələlər üzrə;
• – hüquqi məsələlər üzrə;
• – elm və innovasiya üzrə.

Belə ki, Prezident Administrasiyası rəhbərinin müavinlərinin vəzifələri ləğv edilib. Administrasiyanın 4 şöbəsi də ixtisar edilib.

İqbal Rzayev,

KONKRET.az